Звароты грамадзян і юрыдычных асоб

 Сенненскі раённы выканаўчы камітэт 

Рэжым працы: штодня з 8.00 да 17.00,
абедзенны перапынак з 13.00 да 14.00
выхадны - субота, нядзеля

Аб парадку звароту ў Сенненскі раённы выканаўчы камітэт

Пісьмовыя звароты накіроўваюцца ў Сенненскі раённы выканаўчы камітэт па адрасе: 211117, г.Сянно, вул. Карла Маркса, 2

 Па пытаннях даведачна-кансультацыйнага характару можна звярнуцца на "гарачую лінію" па тэлефоне: 8 (02135) 5 52 96  з 8.00 да 13.00, з 14.00 да 17.00 ў працоўныя  дні (акрамя суботы і нядзелі).

У суботу і нядзелю можна звярнуцца да дзяжурнага райвыканкама па тэлефоне 8 (02135) 5 90 90 з 8.00 да 20.00.

 Электронныя звароты падаюцца з дапамогай дзяржаўнай адзінай (інтэграванай) рэспубліканскай інфармацыйнай сістэмы ўліку і апрацоўкі зваротаў грамадзян і юрыдычных асоб (обращения.бел) 

Кожную суботу з 9.00 да 12.00 па тэлефонам, паводле графікаў, праводзяцца "прамыя тэлефонныя лініі" кіраўніцтвам Сенненскага выканаўчага камітэта. 

Папярэдняе кансультаванне і запіс на прыём да старшыні райвыканкама, намеснікам старшыні райвыканкама, кіраўніку спраў райвыканкама можна ажыццявіць па тэлефоне 8 (02135) 5 52 96 у начальніка аддзела па працы са зваротамі грамадзян і юрыдычных асоб Макоўскай Людмілы Мікалаеўны, у працоўныя дні з 8.00 да 13.00 і з 14.00 да 17.00. На перыяд адсутнасці       Макоўскай Л.Н. папярэдняе кансультаванне і запіс на прыём да кіраўніцтва райвыканкама ажыццяўляе галоўны спецыяліст аддзела па працы са зваротамі грамадзян і юрыдычных асоб райвыканкама Маханькова Жанна Альбертаўна па тэлефоне 8 (02135) 5 53 98.

Вышэйстаячы орган:
Віцебскі абласны выканаўчы камітэт
210010, г. Віцебск, вул. Гогаля, 6

Рэжым працы:
штодня з 8.00 да 17.00,
абедзенны перапынак з 13.00 да 14.00
выхадныя – субота, нядзеля 

Тэлефон ”гарачай лініі“ Віцебскага абласнога выканаўчага камітэта

8 (0212) 48 11 26 у працоўныя дні з 8.00 да 17.00

Кожную суботу з 9.00 да 12.00 па тэлефоне 8 (0212) 22 22 22 праводзяцца "прамыя тэлефонныя лініі" кіраўніцтвам Віцебскага абласнога выканаўчага камітэта. 

Правы заяўнікоў

· падаваць звароты, выкладаць доказы службовай асобе, якая праводзiць асабісты прыём;

· знаёміцца з матэрыяламі, якія непасрэдна адносяцца да разгляду іх зваротаў (за выключэннем матэрыялаў, якія змяшчаюць інфармацыю, распаўсюджванне і (або) прадастаўленне якой абмежавана), у тым ліку рабіць выпіскі з гэтых матэрыялаў, ажыццяўляць іх фотаздымку;

· прадстаўляць дадатковыя дакументы і (або) звесткі альбо звяртацца з просьбай аб іх запатрабаванні, у тым ліку ў электроннай форме, у выпадку, калі запатрабаванне такіх дакументаў і (або) звестак не закранае правы, свабоды і (або) законныя інтарэсы іншых асоб і ў іх не ўтрымліваюцца звесткі, якія складаюць дзяржаўныя сакрэты, камерцыйную і (або) іншую ахоўваемую законам тайну;

· адклікаць свой зварот да разгляду яго па сутнасці;

· атрымліваць адказы (апавяшчэнні) на звароты;

· абскардзіць ва ўстаноўленым парадку адказы на звароты і рашэнні аб пакіданні зваротаў без разгляду па сутнасці;

· прымяняць тэхнічныя сродкі (аўдыё- і відэазапіс, кіна- і фотаздымку) са згоды службовай асобы, якая праводзіць асабісты прыём;

· ажыццяўляць іншыя правы, прадугледжаныя Законам Рэспублікі Беларусь ад 18 ліпеня 2011 г. № 300-З "Аб зваротах грамадзян і юрыдычных асоб" (далей – Закон) і іншымі актамі заканадаўства.

Абавязкі заяўнікоў 

· выконваць патрабаванні Закона;

· падаваць звароты ў арганізацыі, індывідуальным прадпрымальнікам у адпаведнасці з іх кампетэнцыяй;

· ветліва ставіцца да работнікаў арганізацый, індывідуальных прадпрымальнікаў і іх работнікаў, не дапускаць ужывання нецэнзурных альбо абразлівых слоў ці выразаў;

· своечасова інфармаваць арганізацыі, індывідуальных прадпрымальнікаў аб змене свайго месца жыхарства (месца знаходжання) або месца знаходжання ў перыяд разгляду звароту;

· выконваць іншыя абавязкі, прадугледжаныя Законам і іншымі заканадаўчымі актамі.

Патрабаванні, якiя прад'яўляюцца да зваротаў

1. Звароты выкладаюцца на беларускай або рускай мове.

2. Пісьмовыя звароты грамадзян павінны змяшчаць:

· найменне і (або) адрас арганізацыі альбо пасаду і (або) прозвішча, уласнае імя, імя па бацьку (калі такое маецца) альбо ініцыялы асобы, якім накіроўваецца зварот;

· прозвішча, уласнае імя, імя па бацьку (калі такое маецца) альбо ініцыялы грамадзяніна, адрас яго месца жыхарства (месца знаходжання);

· выклад сутнасці звароту;

· асабісты подпіс грамадзяніна (грамадзян).

3. Пісьмовыя звароты юрыдычных асоб павінны ўтрымліваць:

· найменне і (або) адрас арганізацыі альбо пасаду і (або) прозвішча, уласнае імя, імя па бацьку (калі такое маецца) альбо ініцыялы асобы, якім накіроўваецца зварот;

· поўнае найменне юрыдычнай асобы і яе месца знаходжання;

· выклад сутнасці звароту;

· прозвішча, уласнае імя, імя па бацьку (калі такое маецца) альбо ініцыялы кіраўніка або асобы, упаўнаважанай ва ўстаноўленым парадку падпісваць звароты;

· асабісты подпіс кіраўніка або асобы, упаўнаважанай ва ўстаноўленым парадку падпісваць звароты.

4. Заўвагі і (або) прапановы ўносяцца ў Кнігу заўваг і прапаноў у адпаведнасці з формай кнігі заўваг і прапаноў, устаноўленай Саветам Міністраў Рэспублікі Беларусь.

5. Тэкст звароту павінен паддавацца чытанню. Рукапісныя звароты павінны быць напісаны выразным, разборлівым почыркам. Не дапускаецца ўжыванне ў зваротах нецэнзурных альбо абразлівых слоў ці выразаў.

6. Да пісьмовых зваротаў, падаваемых прадстаўнікамі заяўнікоў, прыкладаюцца дакументы, якія пацвярджаюць іх паўнамоцтвы.

7. У зваротах павінна ўтрымлівацца інфармацыя аб выніках іх папярэдняга разгляду з дадаткам (пры наяўнасці) пацвярджаючых гэту інфармацыю дакументаў.

Пакіданне зваротаў без разгляду па сутнасці

1. Пісьмовыя звароты могуць быць пакінуты без разгляду па сутнасці, калі:

· звароты не адпавядаюць патрабаванням, устаноўленым пунктамі 1-6 артыкула 12 Закона, патрабаванням, устаноўленым заканадаўствам аб канстытуцыйным судаводстве;  

· звароты падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, вызначаючым парадак адміністрацыйнага працэсу, заканадаўствам аб адміністрацыйных працэдурах, звароты з'яўляюцца зваротамі работніка да наймальніка або ў адпаведнасці з заканадаўчымі актамі ўстаноўлены іншы парадак падачы і разгляду такіх зваротаў;

· звароты ўтрымліваюць пытанні, вырашэнне якіх не адносіцца да кампетэнцыі арганізацыі, у якую яны паступілі, у тым ліку калі заўвагі і (або) прапановы, унесеныя ў Кнігу заўваг і прапаноў, не адносяцца да дзейнасці гэтай арганізацыі, індывідуальнага прадпрымальніка, не датычацца якасці рэалізуемых тавараў, выконваемых работ, аказваемых паслуг;

· прапушчаны без уважлівай прычыны тэрмін падачы скаргі;

· заяўнікам пададзены паўторны зварот, у тым ліку ўнесены ў Кнігу заўваг і прапаноў, і ў ім не ўтрымліваюцца новыя абставіны, якія маюць значэнне для разгляду звароту па сутнасці;

· з заяўніком спынена перапіска па выкладзеных у звароце пытаннях;

· звароты ўтрымліваюць пагрозы жыццю, здароўю і маёмасці, падахвочванне да здзяйснення супрацьпраўнага дзеяння альбо заяўнік іншым спосабам злоўжывае правам на зварот.

2. Вусныя звароты могуць быць пакінуты без разгляду па сутнасці, калі:

· не прад'яўленыя дакументы, якія сведчаць асобу заяўнікоў, іх прадстаўнікоў, а таксама дакументы, якія пацвярджаюць паўнамоцтвы прадстаўнікоў заяўнікоў;

· звароты ўтрымліваюць пытанні, вырашэнне якіх не адносіцца да кампетэнцыі арганізацыі, у якой праводзіцца асабісты прыём;

· заяўніку ўжо быў дадзены вычарпальны адказ на цікавячыя яго пытанні альбо перапіска з гэтым заяўніком па такіх пытаннях была спынена;

· заяўнік падчас асабістага прыёму дапускае ўжыванне нецэнзурных альбо абразлівых слоў ці выразаў;

· заяўнік прымяняе тэхнічныя сродкі (аўдыё- і відэазапіс, кіна- і фотаздымку) без згоды службовай асобы, якая праводзіць асабісты прыём, і адмаўляецца спыніць іх прымяненне;

· звароты ўтрымліваюць пагрозы жыццю, здароўю і маёмасці, падахвочванне да здзяйснення супрацьпраўнага дзеяння альбо заяўнік іншым спосабам злоўжывае правам на зварот.

Адклiканне звароту

 Заяўнік мае права адклікаць свой зварот да разгляду яго па сутнасці шляхам падачы адпаведнай пісьмовай або электроннай заявы.

у выпадку адклікання заяўніком свайго звароту арганізацыя, індывідуальны прадпрымальнік спыняюць разгляд такога звароту па сутнасці без паведамлення аб гэтым заяўніку.

Заяўніку вяртаюцца арыгіналы дакументаў, прыкладзеных да звароту.

Абскарджанне адказаў на звароты

Адказ арганізацыі на зварот або рашэнне аб пакіданні звароту без разгляду па сутнасці могуць быць абскарджаны ў вышэйстаячую арганізацыю.

Адказ арганізацыі на зварот або рашэнне аб пакіданні звароту без разгляду па сутнасці пасля абскарджання ў вышэйстаячую арганізацыю могуць быць абскарджаны ў суд у парадку, устаноўленым заканадаўствам.

Адказ на скаргу ў вышэйстаячую арганізацыю можа быць абскарджаны ў суд, калі пры разглядзе гэтай скаргі прынята новае рашэнне, якое адносіцца да кампетэнцыі адпаведнай вышэйстаячай арганізацыі.

Адказ на зварот або рашэнне аб пакіданні звароту без разгляду па сутнасці арганізацыі, якая не мае вышэйстаячай арганізацыі, а таксама індывідуальнага прадпрымальніка могуць быць абскарджаны ў суд у парадку, устаноўленым заканадаўствам.»