03.10.2025

Звыш 2 млн тон цукровых буракоў накапалі ў Беларусі

Звыш 2 млн т цукровых буракоў накапалі ў Беларусі, паведамілі БЕЛТА ў прэс-службе Мінсельгасхарча.

Паводле аператыўных даных на 2 кастрычніка, у краіне накапана 2 млн 57 тыс. т цукровых буракоў - і тэмпы толькі нарастаюць.

Збор апярэджвае мінулагодні паказчык на 285 тыс. т, што сведчыць аб зладжанай рабоце тэхнікі і людзей. Ураджайнасць вышэйшая за мінулагоднюю на 33 ц/га. На гэты момант убрана 40 працэнтаў ад усіх плошчаў, якія падлягаюць уборцы, і ва ўсіх абласцях тэмп перавышае мінулагоднія паказчыкі.

Практычна цалкам завершана ўборка збожжа і рапсу: да поўнага заканчэння застаецца 3 тыс. га.

План па сяўбе азімых культур на зерне па краіне выкананы на 81 працэнт. На сённяшні дзень пасеяна 1 млн 221 тыс. га. У пяці з шасці абласцей тэмп сяўбы вышэйшы, чым у мінулым годзе.

БелТА