30.06.2023

Забароны і абмежаванні на наведванне лясоў зняты амаль ва ўсіх абласцях Беларусі<br />

Забароны і абмежаванні на наведванне лясоў зняты амаль ва ўсіх абласцях Беларусі. Гэта вынікае з інтэрактыўнай карты, размешчанай на сайце Міністэрства лясной гаспадаркі, паведамляе БЕЛТА.

Па стане на раніцу 30 чэрвеня, абмежаванне на наведванне лясоў дзейнічае толькі ў Мядзельскім раёне Мінскай вобласці. Усе астатнія рэгіёны поўнасцю свабодны для перамяшчэння ў лясной мясцовасці.

З дапамогай інтэрактыўнай карты забарон і абмежаванняў на наведванне лясоў можна аператыўна прасачыць, у якіх рэгіёнах часова забаронена наведваць лясы. Карта абнаўляецца ў рэжыме рэальнага часу, таму даныя могуць мяняцца на працягу дня.

БелТА