14.09.2023

Забароны і абмежаванні на наведванне лясоў захоўваюцца ва ўсіх раёнах Беларусі<br />

Забароны і абмежаванні на наведванне лясоў захоўваюцца ва ўсіх раёнах Беларусі. Аб гэтым сведчаць даныя інтэрактыўнай карты на інтэрнэт-партале Міністэрства лясной гаспадаркі, паведамляе БЕЛТА.

На раніцу 13 верасня забароны на наведванне лясоў дзейнічаюць у Магілёўскім, Шклоўскім, Горацкім, Мсціслаўскім і Дрыбінскім раёнах Магілёўскай вобласці, Рагачоўскім, Кармянскім, Жлобінскім, Буда-Кашалёўскім, Чачэрскім, Веткаўскім, Гомельскім, Добрушскім, Лоеўскім, Хойніцкім і Брагінскім раёнах Гомельскай вобласці.

Ва ўсіх астатніх раёнах Беларусі дзейнічаюць абмежаванні.

Пры дзеянні забароны наведванне лясоў выключана - за парушэнне прадугледжаны штраф. Калі ж у раёне дзейнічае абмежаванне, то лясістую мясцовасць можна наведваць для збору грыбоў і ягад, пешых прагулак. Аднак неабходна захоўваць патрабаванні пры знаходжанні ў лесе. Так, забараняецца заязджаць у масіў на механічным транспарце, раскладаць на месцы агонь, пакідаць прамасленыя або прамочаныя гаручымі рэчывамі матэрыялы.

Забароны і абмежаванні на наведванне лясоў можа прасачыць у рэжыме рэальнага часу на інтэрактыўнай карце Мінлясгаса.

БелТА