12.10.2023

У Беларусі прапануюць абмеркаваць парадак вызначэння кошту аб'екта будаўніцтва<br />

На грамадскае абмеркаванне вынесены праект пастановы Міністэрства архітэктуры і будаўніцтва "Аб зацвярджэнні Інструкцыі аб парадку вызначэння кошту аб'екта будаўніцтва ў бухгалтарскім уліку", паведамляе БЕЛТА са спасылкай на Нацыянальны прававы інтэрнэт-партал.

Праект падрыхтаваны з мэтай актуалізацыі парадку вызначэння кошту аб'екта будаўніцтва ў бухгалтарскім уліку.

У прыватнасці, дакументам прадугледжваецца дэталізацыя парадку ўліку затрат ва ўмовах долевага будаўніцтва, па вынасе сетак з меж забудовы, гаспадарчых аперацый па зносе (дэмантажы, ліквідацыі) аб'ектаў нерухомай маёмасці, па аддзелачных работах, звязаных з давядзеннем аб'екта да стану, прыдатнага да эксплуатацыі. Таксама гэта датычыцца затрат на абслугоўванне крэдытнага дагавора, заключанага ў мэтах фінансавання будаўніцтва, па страхаванні і іншых.

Свае заўвагі і прапановы можна выказаць у спецыяльнай тэме на Прававым форуме Беларусі з 11 па 21 кастрычніка.

БелТА