07.12.2023

У Беларусі для правядзення выбараў дэпутатаў у адзіны дзень галасавання будуць сфарміраваны 1394 выбарчыя камісіі<br />

Для правядзення выбараў дэпутатаў у адзіны дзень галасавання ў краіне будуць сфарміраваны 1394 выбарчыя камісіі, у ліку якіх 6 абласных і Мінская гарадская, 110 акруговых, 118 раённых, 10 гарадскіх - у гарадах абласнога падпарадкавання, 14 гарадскіх - у гарадах раённага падпарадкавання, 8 пасялковых і 1127 сельскіх. Аб гэтым БЕЛТА паведамілі ў ЦВК.

У камісіі вылучана 9614 прадстаўнікоў. Больш за ўсё вылучылі сваіх прадстаўнікоў палітычныя партыі і іншыя грамадскія аб'яднанні - 4909 чалавек. Ад грамадзян шляхам падачы заяў - 4041, ад працоўных калектываў - 664.

БелТА