15.08.2022

СЭЗ Беларусі адзначаюць рэкордны за тры гады аб'ём заяўленых інвестыцый па новых праектах<br />

У першым паўгоддзі 2022 года склад рэзідэнтаў свабодных эканамічных зон папоўніўся 15 новымі прадпрыемствамі з аб'ёмам заяўленых інвестыцый $141 млн і планамі па стварэнні 760 новых рабочых месцаў, расказалі БЕЛТА ў прэс-службе Міністэрства эканомікі.

У ведамстве адзначылі: гэта рэкордны аб'ём заяўленых інвестыцый па новых праектах за апошнія тры гады. Сярод найбольш значных праектаў - арганізацыя вытворчасцей у Брэсцкім (стварэнне цяплічнай гаспадаркі і будаўніцтва комплексу па выпуску экструдзіраванага алюмініевага профілю), Свіслацкім (будаўніцтва кантэйнернага тэрмінала) і Полацкім (стварэнне вытворчасці па выпуску драўняных паліўных гранул і будаўніцтва завода гарачага цынкавання) раёнах.

Прытоку рэзідэнтаў садзейнічаюць няспынная работа адміністрацый СЭЗ па пошуку новых інвестараў, рэгулярныя прэзентацыі іх магчымасцей на міжнародных канферэнцыях і выстаўках, а таксама прынятыя ўрадам у красавіку 2022 года рашэнні па пашырэнні граніц названых тэрыторый для рэалізацыі значных інвестпраектаў.

БелТА