12.12.2023

Сальда знешняга гандлю Беларусі ў кастрычніку склалася дадатным у памеры $56,9 млн<br />

Сальда знешняга гандлю таварамі і паслугамі Беларусі ў кастрычніку 2023 года склалася дадатным у памеры $56,9 млн. Экспарт тавараў і паслуг за месяц склаў $4,23 млрд, імпарт - $4,17 млрд. Адпаведныя статыстычныя даныя апублікаваны на сайце Нацыянальнага банка, паведамляе БЕЛТА.

Знешні гандаль Беларусі развіваецца збалансавана: сярэднямесячныя вартасныя аб'ёмы экспарту тавараў і паслуг склалі за 10 месяцаў 2023 года $3,95 млрд, імпарту - $3,88 млрд. У выніку за студзень - кастрычнік 2023 года агульнае дадатнае сальда тавараў і паслуг склала $665,7 млн.

Сальда знешняга гандлю таварамі ў кастрычніку склалася адмоўнае ў памеры $148,1 млн. У цэлым за студзень - кастрычнік 2023 года яно склала мінус $1,66 млрд. Пры гэтым памесячныя аб'ёмы экспарту тавараў растуць пачынаючы са жніўня 2023 года. За 10 месяцаў 2023 года тэмп росту экспарту тавараў у параўнанні з аналагічным перыядам 2022 года склаў 107,1 працэнта.

Адмоўнае сальда знешняга гандлю таварамі было кампенсавана знешнім гандлем паслугамі, дадатнае сальда якога ў студзені - кастрычніку 2023 года склала $2,3 млрд. Пры гэтым памесячнае сальда паслуг стабільна перасягае $200 млн. За 10 месяцаў 2023 года экспарт паслуг склаў $7 млрд, імпарт - $4,7 млрд.

Захоўваецца тэндэнцыя павелічэння знешнегандлёвага абароту тавараў і паслуг. У студзені - кастрычніку 2023 года ён вырас амаль на 10 працэнтаў у параўнанні з аналагічным перыядам мінулага года, склаўшы $78,3 млрд.

БелТА