18.08.2020

Рознічны тавараабарот у Беларусі ў студзені-ліпені вырас на 2,9 працэнта<br />

Рознічны тавараабарот у студзені - ліпені 2020 года склаў Br29,8 млрд, або 102,9 працэнта ў супастаўных цэнах да ўзроўню аналагічнага перыяду 2019-га, паведамілі БЕЛТА ў Нацыянальным статыстычным камітэце.

Аптовы тавараабарот склаўся на ўзроўні Br53,5 млрд, або ў супастаўных цэнах 92,3 працэнта да ўзроўню студзеня - ліпеня мінулага года.

Аднадзённы рознічны тавараабарот у разліку на душу насельніцтва з пачатку года склаў Br14,9 супраць Br13,9 за аналагічны перыяд 2019-га.

Рознічны тавараабарот арганізацый гандлю, на які прыпала 91,6 працэнта рознічнага тавараабароту краіны, у студзені - ліпені 2020-га склаў Br27,3 млрд, або 104,5 працэнта ў супастаўных цэнах да адпаведнага перыяду папярэдняга года.

Тавараабарот грамадскага харчавання ў студзені - ліпені 2020 года склаў Br1,3 млрд, або 79,4 працэнта ў супастаўных цэнах да ўзроўню аналагічнага перыяду 2019-га.