15.01.2024

Рэгіёны Беларусі знаёмяць расіян са сваім патэнцыялам на форуме ў Маскве <br />

У беларускім павільёне на ВДНГ у Маскве праходзяць дні Брэсцкай вобласці. Гэты рэгіён стаў першым, які падрыхтаваў маштабную экспазіцыю ў рамках форуму "Расія".

Да канца студзеня масквічы і госці расійскай сталіцы змогуць па-новаму адкрыць для сябе Брэстчыну: больш падрабязна даведацца пра гісторыю Брэсцкай крэпасці, пра ўнікальную флору і фаўну Белавежскай пушчы, а таксама пра навуковы і прамысловы патэнцыял рэгіёна. Затым эстафету прыме Віцебская вобласць. Да 3 ліпеня прэзентацыі правядуць усе рэгіёны Беларусі.

Дарэчы, беларускі павільён на ВДНГ вельмі папулярны ў расіян. Нават пастаўлены рэкорд наведвальнасці - летась тут пабывалі 1 млн 200 тыс. чалавек.

tvr.by