18.11.2024

Прамвытворчасць у Беларусі ў студзені-кастрычніку вырасла на 6,2 працэнта<br />

У Беларусі аб'ём прамысловай вытворчасці ў студзені-кастрычніку склаў Br168,1 млрд, або ў супастаўных цэнах 106,2 працэнта да ўзроўню студзеня-кастрычніка 2023 года. Аб гэтым паведамілі БЕЛТА ў Нацыянальным статыстычным камітэце.

Вытворчасць у горназдабыўной прамысловасці вырасла на 4 працэнты, у апрацоўчай - на 6,3 працэнта.

Па відзе эканамічнай дзейнасці "Забеспячэнне электраэнергіяй, газам, парай, гарачай вадой і кандыцыяніраваным паветрам" вытворчасць павялічылася на 6,4 працэнта, у водазабеспячэнні, зборы, апрацоўцы і выдаленні адходаў, дзейнасці па ліквідацыі забруджванняў не змянілася.

БелТА