26.05.2021

Яравая сяўба завяршаецца ў Беларусі<br />

Сяўба яравых культур у Беларусі праведзена на 2,3 млн га, што складае 94,1 працэнта запланаваных плошчаў, паведамляе БЕЛТА са спасылкай на аператыўную інфармацыю Міністэрства сельскай гаспадаркі і харчавання.

Паводле даных на 24 мая, яравыя збожжавыя і зернебабовыя культуры (з кукурузай на зерне, грэчкай і просам) пасеяны на 1,087 млн га, або 100,9 працэнта ад плана.

Завершана сяўба цукровых буракоў, яравога рапсу, бульбы. Ва ўсіх абласцях, акрамя Віцебскай, завершана сяўба лёну (41,7 тыс. га, або 97,9 працэнта ў цэлым па краіне).

Набліжаецца да завяршэння сяўба кукурузы (1,016 млн га, або 89,8 працэнта), агародніны (4,22 тыс. га, або 91,7 працэнта), аднагадовых траў (253,8 тыс. га, або 83,1 працэнта).

Прадаўжаюцца работы па сяўбе грэчкі (22 тыс. га, або 72,7 працэнта) і проса (3,81 тыс. га, або 55,2 працэнта).

Яравую сяўбу ў гэтым годзе плануецца правесці амаль на 2,5 млн га.

БелТА