12.01.2026

Дзяржпраграму "Камфортнае жыллё і спрыяльнае асяроддзе" на 2026-2030 гады зацвердзілі ў Беларусі

Зацверджана дзяржаўная праграма "Камфортнае жыллё і спрыяльнае асяроддзе" на 2026-2030 гады. Адпаведную пастанову падпісаў прэм'ер-міністр Аляксандр Турчын, паведамілі БЕЛТА ў прэс-службе ўрада.

Дзяржаўная праграма з'яўляецца ключавым інструментам рэалізацыі дзяржаўнай палітыкі ў сферы жыллёва-камунальнай гаспадаркі і накіравана на забеспячэнне грамадзян камфортнымі ўмовамі пражывання, стварэнне бяспечнага і спрыяльнага асяроддзя для жыцця, павышэнне якасці жыллёва-камунальных паслуг і ўзроўню добраўпарадкаванасці тэрыторый населеных пунктаў, а таксама рэалізацыю стандартаў якасці жыцця.

Яна ўключае чатыры падпраграмы: "Добраўпарадкаванне", "Рамонт жылля", "Скарачэнне неліквіднага арэнднага жыллёвага фонду", "Чыстая вада".

Фінансаванне мерапрыемстваў дзяржаўнай праграмы прадугледжана ў памеры Br26,5 млрд.

БелТА