11.05.2020

Беларусь завяршыла размяшчэнне дзяржаблігацый у РФ на 10 млрд расійскіх рублёў<br />

Беларусь завяршыла размяшчэнне дзяржаблігацый аб'ёмам 10 млрд расійскіх рублёў на фінансавым рынку Расійскай Федэрацыі, каштоўныя паперы рэалізаваны ў поўным аб'ёме. Такая інфармацыя размешчана на сайце Міністэрства фінансаў Беларусі, паведамляе БЕЛТА.

"7 мая на ПАТ "Маскоўская біржа" (Расійская Федэрацыя) завершана публічнае размяшчэнне дзяржаўных аблігацый Беларусі серыі 07 на суму 10 млрд расійскіх рублёў. Каштоўныя паперы рэалізаваны ў поўным аб'ёме", - гаворыцца ў паведамленні.

Раней паведамлялася, што 29 красавіка Міністэрства фінансаў сфарміравала кнігу заявак на набыццё выпуску дзяржаблігацый Рэспублікі Беларусь аб'ёмам 10 млрд расійскіх рублёў на тэрмін 5 гадоў.

Банкамі-арганізатарамі эмісіі з'яўляюцца Газпрамбанк, Совкамбанк, банк "Фінансавая карпарацыя Адкрыццё", суарганізатарам - Еўразійскі банк развіцця.