09.09.2022

Беларусь у кастрычніку прадставіць экспазіцыю на выстаўцы ў Таджыкістане<br />

Экспазіцыя Беларусі будзе прадстаўлена на выстаўцы ў Таджыкістане, паведамілі карэспандэнту БЕЛТА ў "Белінтэрэкспа" БелГПП.

У Душанбэ 11-12 кастрычніка адбудуцца знакавыя дзелавыя падзеі з удзелам бізнесу Беларусі - экспазіцыя Made in Belarus, а таксама таджыкска-беларускі бізнес-форум. У Таджыкістан прыбудзе беларуская дэлегацыя: прадстаўнікі дзяржаўных органаў і арганізацый, кіраўнікі кампаній, профільныя эксперты.

На выстаўцы будуць прадстаўлены такія галіны, як харчовая прамысловасць, сельская гаспадарка, машынабудаванне, будаўніцтва, дрэваапрацоўка, ахова здароўя, фармацэўтыка, нафтахімія, навука і адукацыя.

Арганізатарам бізнес-форуму ад Беларусі выступае Беларуская гандлёва-прамысловая палата. Арганізатар экспазіцыі беларускіх вытворцаў Made in Belarus у Душанбэ - выставачнае прадпрыемства "Белінтэрэкспа" БелГПП.

Зацікаўленыя ва ўдзеле кампаніі могуць адправіць заяўку да 10 верасня. Падрабязная інфармацыя аб мерапрыемстве - на "Белінтэрэкспа".

БелТА