20.02.2023

Беларусь у 2022 годзе наведалі 1,4 млн замежных турыстаў<br />

Беларусь у 2022 годзе наведалі 1,4 млн замежных турыстаў. Аб гэтым паведаміла намеснік дырэктара Дэпартамента па турызме, начальнік аддзела планавання і арганізацыі турысцкай дзейнасці Міністэрства спорту і турызму Кацярына Нікіціна на прэс-канферэнцыі "Новы турыстычны сезон - 2023. Куды паехаць адпачыць? Каляндар падзей і актуальныя маршруты па Беларусі", паведамляе карэспандэнт БЕЛТА.

"Калі гаварыць пра ўнутраны турызм, колькасць арганізаваных турыстаў і экскурсантаў - грамадзян Беларусі, якія падарожнічалі па краіне ў мінулым годзе, паводле аператыўных даных, склала 1,33 млн чалавек. Нашу краіну наведалі 1,4 млн замежных турыстаў. У гасцініцах і іншых месцах размяшчэння спыняліся каля 2,5 млн чалавек, што амаль у 1,5 раза больш, чым у 2021 годзе", - сказала Кацярына Нікіціна.

Таксама станоўчая дынаміка назіраецца і па асобных відах турызму. Напрыклад, на санаторна-курортным лячэнні ў Беларусі на працягу 2022 года пабывалі 188 тыс. чалавек. Асабліва ахоўныя прыродныя тэрыторыі наведалі 1,33 млн чалавек.

БелТА