09.06.2021

Беларусь і Зімбабвэ абмеркавалі стварэнне пастаяннай камісіі па супрацоўніцтве<br />

У фармаце відэаканферэнцыі адбыліся перагаворы Надзвычайнага і Паўнамоцнага Пасла Рэспублікі Беларусь у Паўднёва-Афрыканскай Рэспубліцы і Рэспубліцы Зімбабвэ па сумяшчальніцтве Аляксандра Сідарука і міністра замежных спраў і міжнароднага гандлю Зімбабвэ Фрэдэрыка Шавы. Аб гэтым БЕЛТА паведамілі ў прэс-службе беларускага знешнепалітычнага ведамства.

Падчас перагавораў абмеркаваны стан і перспектывы развіцця супрацоўніцтва паміж Беларуссю і Зімбабвэ. "На відэасустрэчы закраналіся пытанні абмену візітамі, фарміравання сумеснай пастаяннай камісіі па супрацоўніцтве", - расказалі ў ведамстве.

Акрамя таго, разглядалася тэма развіцця двухбаковай дагаворна-прававой базы і правядзення сумесных мерапрыемстваў.

БелТА