13.01.2023

Беларусь і Шры-Ланка абмеркавалі палітычнае і гандлёва-эканамічнае супрацоўніцтва<br />

Намеснік міністра замежных спраў Рэспублікі Беларусь Юрый Амбразевіч 12 студзеня правёў сустрэчу з Надзвычайным і Паўнамоцным Паслом Дэмакратычнай Сацыялістычнай Рэспублікі Шры-Ланка ў Расійскай Федэрацыі і Рэспубліцы Беларусь па сумяшчальніцтве Джанітай Абейвікрэма Ліянаге. Аб гэтым карэспандэнту БЕЛТА паведамілі ў прэс-службе МЗС.

"Субяседнікі абмяняліся меркаваннямі па ўсім спектры пытанняў беларуска-ланкійскіх адносін і абмеркавалі перспектыўныя напрамкі развіцця ўзаемадзеяння ў палітычнай, гандлёва-эканамічнай і гуманітарнай сферах", - гаворыцца ў паведамленні.

Юрый Амбразевіч павіншаваў кіраўніка ланкійскай дыпламатычнай місіі з адкрыццём офіса ганаровага консула Шры-Ланкі ў Беларусі і выказаў надзею, што яго работа будзе садзейнічаць далейшаму развіццю двухбаковых сувязей у галіне гандлю, адукацыі, навукі, тэхналогій, турызму і культуры, а таксама актывізацыі дзелавых абменаў.

БелТА