16.11.2023

Беларусь і Расія падпісалі пратакол аб выніках рэалізацыі саюзнай праграмы па транспартным рынку<br />

Беларусь і Расія падпісалі пратакол аб выніках рэалізацыі саюзнай праграмы па транспартным рынку, паведамілі БЕЛТА ў прэс-службе Міністэрства транспарту і камунікацый.

Міністр транспарту і камунікацый Беларусі Аляксей Ляхновіч гэтымі днямі прымае ўдзел у мерапрыемствах "Транспартнага тыдня" ў Маскве. Кіраўнік ведамства правядзе двухбаковыя сустрэчы з калегамі з Расіі і Казахстана, а таксама ўзначаліць беларускі бок на пасяджэннях сумесных камісій па рэалізацыі пагадненняў паміж урадам Рэспублікі Беларусь і ўрадам Расійскай Федэрацыі.

Так, прайшла сустрэча Аляксея Ляхновіча з міністрам транспарту Расіі Віталем Савельевым, дзе быў падпісаны пратакол аб выніках рэалізацыі саюзнай праграмы па ўніфікацыі рэгулявання транспартнага рынку на тэрыторыі Саюзнай дзяржавы. Бакі таксама абмеркавалі актуальныя пытанні двухбаковага супрацоўніцтва.

БелТА