10.12.2020

Беларусь і Кітай абмеркавалі ўзаемную падтрымку ў міжнародных арганізацыях<br />

Намеснік міністра замежных спраў Беларусі Сяргей Алейнік 9 снежня сустрэўся з Надзвычайным і Паўнамоцным Паслом КНР у Беларусі Се Сяаюнам, паведамілі карэспандэнту БЕЛТА ў прэс-службе беларускага МЗС.

"Бакі абмеркавалі пытанні арганізацыі кантактаў на вышэйшым і высокім узроўнях. Размова ішла таксама аб супрацоўніцтве ў палітычнай і гуманітарнай сферах, рэалізацыі інвестыцыйных праектаў у Беларусі і развіцці Кітайска-беларускага індустрыяльнага парка "Вялікі камень", - расказалі ў знешнепалітычным ведамстве.

Вялікая ўвага была ўдзелена папулярызацыі беларускіх тавараў і паслуг на рынку Кітая, таксама бакі абмяняліся думкамі аб узаемадзеянні і ўзаемнай падтрымцы ў рамках міжнародных арганізацый.