23.11.2022

Беларусь і Іран маюць намер актывізаваць гандлёва-эканамічнае ўзаемадзеянне<br />

Беларусь і Іран маюць намер актывізаваць гандлёва-эканамічнае ўзаемадзеянне. Аб гэтым заявіў першы віцэ-прэзідэнт Ірана Махамад Махбер, паведамляе карэспандэнт БЕЛТА.

"Палітычныя адносіны паміж нашымі краінамі маюць высокі характар, аднак, на жаль, гандлёва-эканамічныя адносіны рэалізуюцца не ў поўнай меры. У ходзе сённяшняй сустрэчы мы знайшлі рашэнні па многіх пытаннях", - сказаў Махамад Махбер.

Ён выказаў упэўненасць, што тыя дамоўленасці, якія былі дасягнуты з беларускім бокам у ходзе перагавораў, у хуткім часе будуць рэалізаваны.

"Мы добра разумеем, што супраць Беларусі з боку ЗША і калектыўнага Захаду ўводзяцца санкцыі. У нас набыты добры вопыт, падыходы да такіх санкцый. Мы можам заняцца абменам у гэтай сферы", - адзначыў першы віцэ-прэзідэнт Ірана.

БелТА