25.10.2022

Беларусь і Эфіопія абмеркавалі ініцыятывы па развіцці гандлёва-эканамічнага супрацоўніцтва<br />

Надзвычайны і Паўнамоцны Пасол Беларусі ў Кеніі і Эфіопіі па сумяшчальніцтве Павел Узяткін 24 кастрычніка сустрэўся з дзяржаўным міністрам па пытаннях знешняга гандлю Эфіопіі Касахунам Гофе Баламі. Аб гэтым карэспандэнту расказалі ў беларускай загранустанове.

У ходзе сустрэчы бакі абмеркавалі стан узаемнага гандлю, а таксама перспектыўныя напрамкі і сумесныя ініцыятывы па развіцці беларуска-эфіопскага гандлёва-эканамічнага супрацоўніцтва. Разгледжаны пытанні фарміравання прававой базы эканамічнага ўзаемадзеяння дзвюх краін.

Адначасова ў г. Адыс-Абеба пачаў работу бізнес-форум, у якім прымаюць удзел беларускія прадпрыемствы, якія прадстаўляюць розныя сектары эканомікі і ўстановы адукацыі.

Выступаючы на пленарнай частцы мерапрыемства, пасол Беларусі расказаў пра патэнцыял і перспектывы двухбаковага эканамічнага супрацоўніцтва, адзначыў неабходнасць актывізацыі кантактаў паміж гандлёвымі палатамі і бізнес-коламі дзвюх краін.

БелТА