03.08.2023

Абмежаванні на наведванне лясоў дзейнічаюць у 52 раёнах Беларусі<br />

Абмежаванні на наведванне лясоў дзейнічаюць у 52 раёнах Беларусі. Гэта вынікае з інтэрактыўнай карты забарон і абмежаванняў на наведванне лясоў у раёнах Беларусі Міністэрства лясной гаспадаркі, паведамляе БЕЛТА.

Па стане на вечар 2 жніўня цалкам свабодныя ад забарон і абмежаванняў на наведванне лясоў Брэсцкая і Гродзенская вобласці.

У Магілёўскай вобласці абмежаваны 20 раёнаў - усе, акрамя Глускага. У 12 раёнах Гомельскай вобласці і 15 раёнах Віцебскай вобласці таксама абмежавана наведванне лясной мясцовасці.

Абмежаванні закранулі і пяць усходніх раёнаў Мінскай вобласці - Слуцкі, Пухавіцкі, Чэрвеньскі, Бярэзінскі і Крупскі.

Карта абнаўляецца ў рэжыме рэальнага часу, даныя могуць мяняцца на працягу дня.

БелТА