13.10.2020

Жыхар Сенненскага раёна да смерці збіў уласную маці<br />

9 кастрычніка ў Сенненскім раёне 29-гадовы мясцовы жыхар збіў да смерці ўласную маці. У дачыненні да мужчыны ўзбуджана крымінальная справа. Пра гэта паведаміла афіцыйны прадстаўнік УСК па Віцебскай вобласці Аксана Лазько.

Высветлілася, што ў дзень трагедыі вясковец распіваў з забітай спіртное. Такім чынам, яны адзначалі яго нядаўняе вызваленне з турмы, дзе ён адбываў тэрмін за крадзеж. У нейкі момант паміж сваякамі адбыўся канфлікт.

59-гадовая жанчына памерла на месцы здарэння ад удараў падручнымі прадметамі. Яе сын сам патэлефанаваў у праваахоўныя органы і паведаміў пра здарэнне.

Фота УСК па Віцебскай вобласці.