21.02.2025

Паважаныя воіны і ветэраны Узброеных Сіл!

Дарагія суайчыннікі!

Віншуем вас з Днём абаронцаў Айчыны і Узброеных Сіл Рэспублікі Беларусь - святам, якое стала сімвалам пераемнасці гераізму і подзвігу воінаў многіх пакаленняў.

У гэты дзень мы ўспамінаем і дзякуем афіцэрам і салдатам Вялікай Айчыннай вайны, якія са зброяй у руках абаранялі родную зямлю, аддаём даніну павагі ветэранам Узброеных Сіл і воінам-афганцам, якія з гонарам і годнасцю выканалі свой воінскі і інтэрнацыянальны абавязак.

Сёння слаўныя ратныя традыцыі працягвае кожны, хто ў наш неспакойны час па клічы сэрца выбірае высакародную прафесію служыць Айчыне, кожны, хто гатовы стаць на абарону міру і незалежнасці Беларусі. Вы - прыклад сапраўднага патрыятызму, смеласці і доблесці.

Перакананы, што Узброеныя Сілы і ў далейшым застануцца надзейным гарантам міру, суверэнітэту і тэрытарыяльнай цэласнасці нашай дзяржавы.

Жадаем усім моцнага здароўя, дабрабыту і новых здзяйсненняў на карысць роднай Беларусі!

З павагай,

старшыня
Сенненскага раённага
выканаўчага камітэта А.А. Макарэвіч

старшыня
Сенненскага раённага
Савета дэпутатаў М.М. Вілюга