04.03.2025

Паважаныя супрацоўнікі і ветэраны органаў унутраных спраў Сенненшчыны!

Прыміце шчырыя віншаванні з прафесійным святам - Днём беларускай міліцыі!

Вы выбралі для сябе складаны, але высакародны працоўны шлях. Ад якасці вашай працы напрамую залежаць не толькі жыццё і бяспека жыхароў рэгіёна, але і іх вера ў сілу закона, у здольнасць улады абараняць правы і годнасць грамадзян.

Сёння да праваахоўных органаў прад'яўляюцца павышаныя патрабаванні, перад вамі стаяць складаныя і адказныя задачы. Але самаадданасць і высокая адказнасць, сіла духу і мужнасць, сапраўдны патрыятызм і гатоўнасць прыйсці на дапамогу ў любую хвіліну з'яўляюцца галоўнымі якасцямі, якія дазваляюць вам гарантаваць правапарадак і грамадскую бяспеку.

У гэты дзень выказваем асаблівыя словы падзякі ветэранам міліцэйскай службы — людзям, якія беззапаветна і аддана служылі на карысць Радзімы. Вашы шматгадовыя заслугі і неацэнны досвед сталі надзейным падмуркам, на якім выхоўваецца маладое пакаленне абаронцаў правапарадку.

Дзякуем усім за сумленную службу, за вернасць абранай прафесіі, за адданае служэнне закону і абароне бяспекі.

Жадаем вам моцнага здароўя, аптымізму і поспехаў у няпростай, але вельмі патрэбнай працы! Шчасця і дабрабыту вам і вашым блізкім!

З павагай,

А.А. Макарэвіч,

старшыня Сенненскага раённага выканаўчага камітэта.

М.М. Вілюга,

старшыня Сенненскага раённага Савета дэпутатаў.