29.05.2020

У Сенненскім раёне выратавалі заблытаўшагася ў сетках лебедзя<br />

У Сенненскім раёне сёння выратавалі заблытаўшагася ў сетках лебедзя, паведамілі карэспандэнту БЕЛТА ў раённай інспекцыі прыродных рэсурсаў і аховы навакольнага асяроддзя.

Заўважылі патрапіўшую ў бяду птушку адпачываючыя на возеры Абальцы паблізу вёскі Меліхава. Дзякуючы іх званку на дапамогу лебедзю аператыўна прыбылі супрацоўнікі МНС і раённай інспекцыі прыродных рэсурсаў і аховы навакольнага асяроддзя. На лодцы ратавальнікі даставілі птушку на бераг і вызвалілі ад рыбалоўнай прылады.

Цяпер жыццё лебедзя па-за небяспекай.

Фота Сенненскай раённай інспекцыі прыродных рэсурсаў і аховы навакольнага асяроддзя

Белта