22.05.2024

У г.п. Багушэўск прайшло мерапрыемства, у рамках 4-га Усебеларускага хрэснага ходу "Царква і армія", прысвечанае 80-годдзю вызвалення Беларусі ад нямецка-фашысцкіх захопнікаў

Протаіерэя Віцебскай епархіі Аляксандра Мазылёва сустракалі хлебам-соллю на мяжы з Сенненскім раёнам. Каля брацкай магілы савецкіх воінаў у в. Заветнае прайшоў забор зямлі з воінскага пахавання, якая пасля была змешчана ў капсулу.

Ключавым момантам духоўна-маральнага мерапрыемства стаў Хрэсны ход, які пачаўся ад Храма Святых апосталаў Пятра і Паўла ў гарадскім пасёлку і працягнуўся мітынгам ля помніка воінам, якія загінулі пры вызваленні Багушэўска. Прайшло ўрачыстае царкоўнае шэсце з удзелам дэлегацый працоўных калектываў Сенненшчыны на чале са старшынёй райвыканкама Алегам Макарэвічам.