20.10.2021

ТЦСАН Сенненскага раёна актывізуе працу валанцёрскага руху «Мы разам!»<br />

Ва ўмовах існуючай эпідэміялагічнай сітуацыі Тэрытарыяльны цэнтр сацыяльнага абслугоўвання насельніцтва Сенненскага раёна актывізуе працу валанцёрскага руху «Мы разам!».

Добраахвотніцкая праца актывістаў будзе накіравана на аказанне дапамогі ў набыцці прадуктаў харчавання, медыкаментаў, прадметаў асабістай гігіены адзінокім пажылым людзям, інвалідам, якія па якіх-небудзь прычынах не могуць выйсці з хаты. Для аператыўнай работы вызначаны нумары, па якіх і прымаюцца заяўкі. Валанцёр-дыспетчар размяркоўвае іх сярод добраахвотнікаў. Усе валанцёры аснашчаны сродкамі індывідуальнай абароны, прышчэплены. Яны атрымалі інструкцыі і памяткі па куплі і дастаўцы тавараў першай неабходнасці бескантактавым метадам.

Звярнуцца па дапамогу можна па тэлефонах: 5-19-75, 5-19-44, 5-26-33.