10.03.2020

Сянно. Дзень бяспекі стартаваў<br />

У рамках першага этапу рэспубліканскай акцыі «Дзень бяспекі. Увага ўсім!» работнікі Сенненскага раённага падраздзялення МНС сумесна з актывістамі БМГАВП правялі прафілактычныя мерапрыемствы ў краме «Універмаг» горада Сянно.

У рамках мерапрыемстваў ратавальнікі расказалі, што трэба рабіць пры сігнале «Увага ўсім». Таксама была арганізавана работа інтэрактыўных пляцовак «Пяць крокаў выратавання», дзе бацькі і дзеці даведаліся, як паводзіць сябе падчас пажару ў гандлёвым цэнтры, вывучылі значэнне знакаў эвакуацыі, змаглі выклікаць ратавальнікаў, знайсці «небяспекі ў кватэры», азнаёміліся з мабільным дадаткам «МНС Беларусі. Дапамога побач», а таксама бацькі і дзеці прайшлі тэставанне ў рамках інфа-кампаніі МНС «Правядзі час з карысцю».

За правільныя адказы ўдзельнікі атрымлівалі наглядна-выяўленчую прадукцыю ад ратавальнікаў і падзякі.