05.11.2025

Сенненшчына: вектар развіцця

Ва УАЗ "Сенненская ЦРБ" ва ўрачыстай абстаноўцы адбылося адкрыццё сучаснага эндаскапічнага кабінета. Адкрыццё кабінета стала магчымым дзякуючы бязвыплатнай дапамозе па грантавай праграме ўрада Японіі ў Беларусі "Карані травы".

У мерапрыемстве прынялі ўдзел высокапастаўленыя госці: Надзвычайны і Паўнамоцны пасол Японіі ў Рэспубліцы Беларусь Ямамота Хіраюкі, аташэ пасольства Японіі ў Рэспубліцы Беларусь Цубанэ Гаку, каардынатар грантавай праграмы "Карані травы" Цімур Ягошын, начальнік галоўнага ўпраўлення па ахове здароўя Віцебскага аблвыканкама Міхаіл Вішнявецкі, старшыня Сенненскага раённага выканаўчага камітэта Аляксандр Клячын.

Асноўная мэта праграмы "Карані травы" - дапамога людзям, якія пацярпелі ў выніку аварыі на Чарнобыльскай АЭС і яе наступстваў.

У рамках гуманітарнага праекта для Сенненскай ЦРБ было набыта відэаэндаскапічнае абсталяванне (відэаэндаскоп і відэакаланаскоп). Абсталяванне валодае высокімі тэхнічнымі характарыстыкамі, неабходнымі для дыягностыкі захворванняў страўнікава-кішачнага тракту, даследавання перадпухлінных змен, выяўлення на ранніх стадыях злаякасных новаўтварэнняў ЖКТ.

Мы атрымалі не проста абсталяванне, мы атрымалі тэхналогію, веды, а самае галоўнае – магчымасць ва ўмацаванні здароўя грамадзян, адзначыла Крысціна Гарчынская, галоўны ўрач Сенненскай ЦРБ. Яна выказала падзяку пасольству Японіі ў Рэспубліцы Беларусь і асабіста спадару Ямамота Хіраюкі за давер і падтрымку.

Сімвалічную чырвоную стужку, у знак адкрыцця новага кабінета, перарэзалі Надзвычайны і Паўнамоцны пасол Японіі Ямамота Хіраюкі, Міхаіл Вішнявецкі і Крысціна Гарчынская.

Больш падрабязна чытаць на➡️ сайце.