01.12.2025

Сёння ў Багушэўскім лясгасе знамянальная падзея: галоўны ляснічы Васіль Гулевіч прызначаны на пасаду дырэктара прадпрыемства

Гэта важнае кадравае рашэнне адкрывае новую старонку ў жыцці лясгаса, а прафесіяналізм, вопыт і адданасць справе новага кіраўніка стануць надзейнай асновай для далейшага развіцця і дасягнення новых вышынь.

Свой працоўны шлях у галіне Васіль Гулевіч пачынаў з майстра лесу Зелянковіцкага лясніцтва Глускага лясгаса. У 2014 годзе працаваў ляснічым Мсціжскага лясніцтва Барысаўскага вопытнага лясгаса. У 2025 годзе пагадзіўся на пераезд у Віцебскую вобласць, дзе ў якасці галоўнага ляснічага Багушэўскага лясгаса паралельна выконваў абавязкі кіраўніка ўстановы.

З першых дзён працы ў Багушэўскім лясгасе выразна азначыў курс на стабілізацыю фінансава-эканамічнай сітуацыі ва ўстанове, праявіў сябе як кіраўнік, які не баіцца браць адказнасць і пачынаць з не самых простых умоў.

ГС