24.09.2020

Прабег памяці П. М. Машэрава пройдзе 26 верасня ў Сянно<br />

26 верасня ў райцэнтры пройдзе традыцыйны Сенненскі прабег памяці Героя Савецкага Саюза, Героя Сацыялістычнай Працы, ураджэнца Сенненшчыны П. М. Машэрава.

Мэта мерапрыемства - папулярызацыя фізічнай культуры і спорту, прапаганда здаровага ладу жыцця. Да ўдзелу ў прабегу запрашаюць жыхароў Рэспублікі Беларусь, іншых краін, незалежна ад узросту і полу. Галоўная ўмова - быць дапушчаным да спаборніцтваў па стане здароўя. Пераможцы і прызёры атрымаюць заслужаныя ўзнагароды. Рэгістрацыя ўдзельнікаў і выдача нумароў будзе праходзіць у фае РДК з 8.00 да 10.30. Старт прабегу - у 11.00 на цэнтральнай плошчы горада.