29.10.2025

Паласатыя, сакавітыя, смачныя: добрым ураджаем кавуноў можа пахваліцца сенненка Алеся Коўшар

Добрым ураджаем кавуноў сёлета можа пахваліцца сенненка Алеся Коўшар. Ідэя вырошчваць бахчавыя культуру прыйшла спантанна 3 гады таму.

Яе муж Сяргей спачатку і не верыў, што на маленькім участку можна дамагчыся годных вынікаў.

- Нездарма гаворыцца: Бог любіць тройцу. Так атрымалася і ў мяне, - распавядае жанчына. - Каб вырасціць вялікія кавуны, прыйшлося чакаць 3 гады. Першыя пробы вырошчвання гэтай бахчавай культуры былі правальнымі, але ў гэтым сезоне парадавала сваім дыяметрам, вагой, але галоўнае, смакам.

Пра "паласацікаў" Алесі Коўшар карэспандэнт "ГС" даведалася з сацыяльных сетак. Там жанчына падзялілася яркімі здымкамі сваіх агародных рэкордаў - 7,3 кг і 6,5 кг.

- Ніякіх сакрэтаў у вырошчванні кавуноў няма, - распавядае мая суразмоўца. - Абрэзала лішнія парасткi, каб усе сілы ішлі ў плод, пакідала не больш 2 завязяў на кусце, падкладала дошкі пад кавуны, каб тыя не гнілі, а яшчэ апырсквала зеляніну растворам ёду з малаком.

Усяго жанчыне ўдалося вырасціць парадку 10 кавуноў гатункаў "Цукровы малыш", "Бэйбі", "Астраханскі". Апошні - жоўты - апынуўся неверагодна салодкім, проста-такі прыкрым. Ён нам вельмі спадабаўся, адзначыла жанчына.

Таксама ў гэтым сезоне Алесю Коўшар парадаваў ураджай дынь.

Па матэрыялах раённай газеты "Голас Сенненшчыны".