21.06.2025

Пешы хрэсны ход Смаленск-Полацк праходзіць па тэрыторыі Віцебскай епархіі

Па благаславенню Патрыярха Маскоўскага і ўсяе Русі Кірыла з 15 па 26 чэрвеня са Смаленска ў Полацк праходзіць пешы хрэсны ход, прымеркаваны да 900-годдзя Спаса-Еўфрасіннеўскага жаночага манастыра.

Больш за 250 кіламетраў пройдуць паломнікi

• Сёння паломнікаў сустрэлі на Сенненскай зямлі на тэрыторыі Немайтоўскага  сельсавета, дзе на воінскім пахаванні адслужылі літыю 
• Хрэсны ход праходзіць па населеных пунктах Віцебскай і Полацкай епархіі: Ляды, Дуброўна, Орша, Смаляны, Сянно, Бешанковічы, Ула, Обаль.
• Усе жадаючыя могуць далучыцца па шляху руху.
• У наступны пункт прызначэння паломнікі адправяцца 23 чэрвеня ў 06.00

Завершыцца хрэсны ход 26 чэрвеня ў Спаса-Еўфрасіннеўскім манастыры напярэдадні святкавання Сабора Беларускіх святых.