15.03.2023

Паважаныя жыхары Сенненшчыны! Віншуем вас з адным з самых галоўных дзяржаўных свят - Днём Канстытуцыі Рэспублікі Беларусь!<br />

15 сакавіка - значная дата для нашай дзяржавы. У гэты дзень краіна адзначае прыняцце свайго Асноўнага Закона. Ён стаў надзейным фундаментам для развіцця суверэннай Беларусі, выказваннем волі і інтарэсаў народа, сімвалам яго адзінства, згуртаванасці і згоды. Дзякуючы моцнай дзяржаўнай уладзе і праводзімай у інтарэсах народа палітыцы прагрэсіўных пераўтварэнняў мы здолелі захаваць народны здабытак, нарасціць эканамічны, сацыяльны і культурны патэнцыял.

Сёння адстойваючы сваё права на свабоду нацыянальнага самавызначэння і мірнае стваральнае жыццё, мы ўдасканальваем дэмакратычныя інстытуты, у фармаце адкрытага дыялогу залучаем у дзяржаўнае будаўніцтва і прагрэсіўныя пераўтварэнні грамадзянскую супольнасць. Толькі сумеснымі намаганнямі можна вырашыць задачу пабудовы моцнай і квітнеючай краіны, якая дынамічна развіваецца.

У гэты знамянальны дзень жадаем усім міру і згоды, поспехаў ва ўсіх канструктыўных пачынаннях, шчасця, моцнага здароўя і дабрабыту. Са святам! З Днём Канстытуцыі Рэспублікі Беларусь! 

З павагай,
Сенненскі раённы выканаўчы камітэт
Сенненскі раённы Савет дэпутатаў