17.09.2024

Паважаныя жыхары горада Сянно і Сенненскага раёна!<br />

Прыміце шчырыя віншаванні з Днём народнага адзінства!

Гэта дзяржаўнае свята адлюстроўвае нязменныя каштоўнасці беларусаў — згуртаванасць, патрыятызм, грамадзянскую спеласць, імкненне да незалежнасці і міру.

Мы жывем у шматнацыянальнай і шматканфесійнай краіне, якая мае найбагацейшыя духоўныя і культурныя каштоўнасці, якія аб'ядноўваюць наш народ, дапамагаючы рухацца наперад па шляху ўстойлівага развіцця, займаць ганаровае месца ў міжнароднай супольнасці.

Сёння Дзень народнага адзінства набывае асаблівы сэнс. Ён нагадвае нам пра тое, як важна працаваць на карысць Айчыны, абараняць яе, несці адказнасць за яе будучыню, выступаць згуртаваным, моцным грамадствам перад знешнімі выклікамі і пагрозамі.

Жадаем усім міру, здароўя, шчасця, упэўненасці ў заўтрашнім дні!

Са святам! З Днём народнага адзінства!

З павагай, старшыня райвыканкама В.А. Макарэвіч

Старшыня райСавета М.М. Вілюга