15.12.2023

Падведзены вынікі Нацыянальнага конкурсу «Прадпрымальнік года»<br />

Пераможцы конкурсу па выніках дзейнасці за 2022 год, конкурс праведзены ў 2023 годзе.

Урачыстая цырымонія ўзнагароджання пераможцаў Нацыянальнага конкурсу «Прадпрымальнік года» адбылася 24 лістапада 2023 г. у Minsk Marriott Hotel (г. Мінск, прасп. Пераможцаў, 20). У цырымоніі прынялі ўдзел Старшыня Пастаяннай камісіі Савета Рэспублікі Нацыянальнага сходу Рэспублікі Беларусь па эканоміцы, бюджэце і фінансах Таццяна Рунец, намеснік Міністра эканомікі Уладзімір Навумовіч, кіраўнікі рэспубліканскіх і мясцовых органаў дзяржаўнага кіравання, прадстаўнікі бізнес-саюзаў, дзелавых колаў.

У 2023 годзе конкурс праводзіўся па пяці намінацыях: «Паспяховы старт», «Стабільны поспех», «Эфектыўны бізнес у сферы вытворчасці», «Эфектыўны бізнес у сферы паслуг» і «Эфектыўны індывідуальны бізнес».

На падставе паказчыкаў дзейнасці ўдзельнікаў конкурсу пастановай Савета Міністраў ад 26 верасня 2023 г. № 631 было вызначана 35 пераможцаў.

Пераможцам былі ўручаны дыпломы «Пераможца Нацыянальнага конкурсу «Прадпрымальнік года» і памятныя прызы конкурсу.

Асобных слоў удзячнасці і дыпломаў «Ганаравы прадпрымальнік» былі ўдастоены індывідуальны прадпрымальнік Смірноў Андрэй Віктаравіч, а таксама ТАА «Шведафф». Гэтыя арганізацыі былі прызнаны пераможцамі па выніках правядзення Нацыянальнага конкурсу «Прадпрымальнік года» на працягу двух гадоў запар.

Крыніца: economy.gov.by