03.05.2024

Напярэдадні свята Вялікай Перамогі віншаванні прымала ветэран Вялікай Айчыннай вайны Эма Шлык<br />

Напярэдадні свята Вялікай Перамогі старшыня раённага выканаўчага камітэта Алег Макарэвіч, намеснік начальніка ўпраўлення па працы, занятасці і сацыяльнай абароне райвыканкама Аляксандр Досаў, старшыня Багушэўскага сельвыканкама Вячаслаў Багданаў, прадстаўнікі Багушэўскага аддзялення дзённага знаходжання для грамадзян пажылога ўзросту, мясцовага Дома культуры, дзіцячай школы мастацтваў, вучнi Багушэўскай школы, якой прысвоены ганаровы статус "Школа міру", наведалі і павіншавалі з надыходзячым святам Эму Шлык, уручылі ёй кветкі і падарункі.

Госці пажадалі Эме Шлык моцнага здароўя, даўгалецця, міру, дабра, шчасця і дабрабыту. Таксама ў падарунак прагучалі песні ваенных гадоў. У сваю чаргу, Эма Мітрафанаўна выканала песню "Домік вокнамі ў сад" для гасцей.

- Сённяшняе мірнае неба над галавой - самае галоўнае, што ёсць у жыцці, - кажа Эма Шлык. - Бо праз столькі гадоў забыцца жахі вайны і складанасці пасляваеннага часу не ўдаецца.

t.me