07.05.2020

Напярэдадні Дня Перамогі ў Сянно адкрылі памятную шыльду і ўсклалі вянкі, кветкі да помніка ахвярам фашызму на брацкай магіле ў раёне вуліцы Алеся Жаўрука<br />

Напярэдадні Дня Перамогі ў Сянно адкрылі памятную шыльду і ўсклалі вянкі, кветкі да помніка ахвярам фашызму на брацкай магіле ў раёне вуліцы Алеся Жаўрука.

Тут па-асабліваму шумяць бярозы і спяваюць салаўі. Стоячы на ​​гэтым памятным месцы, міжволі ўспамінаеш словы вядомай песні: яны пайшлі, не дакахаўшы. Калісьці гэта была ўскраіна горада, у гады вайны стаўшая месцам трагічных падзей. Як напамін пра іх сёння - помнік на брацкай магіле, дзе пахаваны салдаты Савецкай Арміі, удзельнікі супраціву, мясцовыя жыхары, расстраляныя нямецка-фашысцкімі акупантамі.

Пра тое, хто спачывае ў гэтым месцы, кажа і мемарыяльная дошка, якая з'явілася на помніку дзякуючы раённай арганізацыі РГА «Белая Русь»: менавіта на яе сродкі быў усталяваны гэты знак. І не толькі. Першасныя арганізацыі грамадскага аб'яднання прарабілі вялікую працу па добраўпарадкаванні прылеглай тэрыторыі, брацкай магілы.

А 5 мая прадстаўнікі пярвічак прыйшлі сюды ўжо не з рабочым інструментам, а вянкамі і кветкамі, каб ушанаваць памяць тых, хто аддаў жыццё за незалежнасць нашай краіны. Удзел у мерапрыемстве прынялі старшыня раённага выканаўчага камітэта Ігар Мароз, намеснік старшыні райвыканкама, старшыня раённай арганізацыі РГА «Белая Русь» Зоя Фаміна.

- Перамога ў Вялікай Айчыннай вайне стала сімвалам бяспрыкладнай мужнасці, нязломнай волі і духоўнай велічы нашага народа, - адзначыў кіраўнік раёна. - Подзвіг служэння Радзіме заўсёды з'яўляецца прыкладам для ўсіх пакаленняў беларусаў. Наш абавязак - перадаць моладзі памяць пра тое, што сёння мы жывем, працуем, гадуем дзяцей і будуем сваю будучыню ў незалежнай суверэннай краіне дзякуючы мужнасці, патрыятызму і доблесці нашых бацькоў, дзядоў і прадзедаў.

Традыцыйна памяць загінулых ушанавалі хвілінай маўчання, аддалі даніну глыбокай павагі ўсім, хто абараняў родную зямлю.

«Голас Сенненшчыны», Галіна Жукава.

Фота аўтара.