05.08.2021

Механізатар сельгаспрадпрыемства ў Сенненскім раёне скраў 80 л саляркі і больш за 1 т збожжа<br />

У Сенненскім раёне супрацоўнікі крымінальнага вышуку і міліцыі грамадскай бяспекі РАУС выявілі факт крадзяжу казённай маёмасці. Пра гэтым БЕЛТА паведамілі ва УУС Віцебскага аблвыканкама.

30 ліпеня ў 17.10 у в.Ульянавічы на тэрыторыі гаспадарчых пабудоў у двары дома 56-гадовага механізатара было знойдзена і канфіскавана 80 л дызельнага паліва і больш за 1 т збожжа фуражнай пшаніцы. Пры праверцы ўстаноўлена, што паліва і зерне належаць мясцоваму сельгаспрадпрыемству, у якім працуе падазроны. Шкода склала Br585. Скрадзеную маёмасць правапарушальнік дастаўляў дадому на службовым транспарце.

Па факце крадзяжу Следчы камітэт пачаў крымінальную справу.