08.07.2024

Курган Дружбы 65-ы раз сабраў спадчыннікаў Вялікай Перамогі на мяжы Беларусі, Расіі і Латвіі<br />

Мемарыяльны комплекс "Курган Дружбы" ў Верхнядзвінскім раёне пабудаваны на мяжы трох краін у памяць аб супрацоўніцтве народаў у гады Вялікай Айчыннай вайны і быў урачыста адкрыты 3 ліпеня 1959 года.

7 ліпеня ва ўрачыстай абстаноўцы адбылася сустрэча афіцыйных дэлегацый Расійскай Федэрацыі і Рэспублікі Беларусь. Хвілінай маўчання ўшанавалі загінуўшых і ўсклалі кветкі да помніка камсамольцам-падпольшчыкам в. Прошкі і да помніка Героя Вялікай Айчыннай вайны Марыі Пынто.

За некалькі сотняў метраў ад мемарыяла разгарнулі маладзёжны беларуска-расійскі адукацыйна-патрыятычны лагер "Курган-2024", дзе актывісты з Беларусі і Расіі з 5 па 7 ліпеня вывучалі падзеі часоў Вялікай Айчыннай, удзельнічалі ў конкурсах, дыскутавалі. У гэтым годзе ў маладзёжным беларуска-расійскім адукацыйна-патрыятычным лагеры "Курган-2024" прынялі ўдзел 23 каманды раёнаў і гарадоў Віцебскай вобласці, Пскоўскай і Ленінградскай абласцей Расійскай Федэрацыі, а таксама каманда ГА "Беларускі саюз ветэранаў вайны ў Афганістане". Па выніку ўсіх конкурсаў наш раён заняў 1 месца!