17.07.2024

Кіраўніцтва раёна віншуе жыхароў са 100-годдзем з дня ўтварэння Сенненскага раёна<br />

Паважаныя жыхары Сенненскага раёна!

Прыміце самыя цёплыя і шчырыя віншаванні са 100-годдзем Сенненскага раёна!

 За 100 гадоў шмат выдатных людзей упісалі свае імёны ў летапіс раёна, сваім талентам і працай прынеслі яму пашану і павагу, уславілі подзвігамі на палях бітваў, унеслі неацэнны ўклад у стварэнне матэрыяльнага і інтэлектуальнага патэнцыялу Сенненшчыны.

 Сёння вельмі важна, каб кожны з нас усведамляў сваё дачыненне да лёсу малой радзімы, жыў і працаваў на карысць Сенненскага  раёна, нашай роднай Беларусі. Бо ад нас з вамі залежаць эканамічная стабільнасць, духоўнае і маральнае аблічча грамадства, развіццё сацыяльнай сферы. Нам, цяперашняму пакаленню, неабходна закласці трывалы падмурак, з якога зробяць крок у будучыню новыя пакаленні, нашы дзеці.  

Дарагія сенненцы! У гэты святочны дзень шчыра жадаем усім вам моцнага здароўя, шчасця, дабрабыту ў сем'ях, упэўненасці ў заўтрашнім дні, свету ў кожным доме, а ў Сенненскім раёне стабільнага росту і працвітання!

Алег МАКАРЭВІЧ,

старшыня раённага выканаўчага камітэта.

Міхаіл ВІЛЮГА,

старшыня раённага Савета дэпутатаў.