29.11.2021

Дзве сацустановы Віцебскай вобласці прызнаны лепшымі ў рэспубліканскім конкурсе «Святло Міласэрнасці»<br />

У Храме Усіх Святых Мінска ў рамках Сёмых Беларускіх Калядных чытанняў падведзены вынікі Рэспубліканскага конкурсу «Святло Міласэрнасці».

Пераможцамі ў намінацыі «Лепшы дом-інтэрнат» прызнаны Бабініцкі псіханеўралагічны дом-інтэрнат Аршанскага раёна і Багушэўскі дом-інтэрнат для дзяцей інвалідаў з асаблівасцямі псіхафізічнага развіцця Сенненскага раёна.

У цырымоніі ўзнагароджання пераможцаў прынялі ўдзел прадстаўнікі камітэта па працы, занятасці і сацыяльнай абароне Віцебскага аблвыканкама, дырэктары вышэйназваных стацыянарных устаноў сацыяльнага абслугоўвання.

«Віцебскія весткі», Ірына Хасанава

Фота прадстаўлена камітэтам па працы, занятасці і сацыяльнай абароне Віцебскага аблвыканкама.