25.02.2022

Сем медалёў міжнароднай алімпіяды заваявалі вучні віцебскай гімназіі<br />

XVIII міжнародная Жаўтыкаўская алімпіяда па матэматыцы, фізіцы і інфарматыцы прынесла ў скарбонку віцебскай гімназіі нумар 2 сем медалёў рознай вартасці. Усяго ў прэстыжнай прадметнай алімпіядзе ўдзельнічалі дзевяць вучняў гімназіі. Першае месца па інфарматыцы заваяваў 11-класнік Кірыл Зароўскі. Сярэбраны медаль у алімпіядзе па матэматыцы ў 10-класніка Андрэя Шадрына. Упершыню ў міжнароднай матэматычнай алімпіядзе ў дысцыпліне прынялі ўдзел дзевяцікласнікі гімназіі. Дэбют увянчаўся двума бронзавымі медалямі, іх ва ўпартай барацьбе вырвалі Мацвей Арэшчанка і Іван Коршунаў. У тройку лідараў таксама трапілі дзесяцікласнікі Антон Палазкоў, Дзям'ян Клімаў і Уладзіслаў Максіменкаў.

БелТА