05.11.2024

Прэзідэнт павіншаваў калектыў Віцебскай дзяржакадэміі ветэрынарнай медыцыны са 100-годдзем заснавання<br />

Прэзідэнт Беларусі Аляксандр Лукашэнка павіншаваў калектыў Віцебскай ордэна "Знак Пашаны" дзяржаўнай акадэміі ветэрынарнай медыцыны са 100-годдзем заснавання гэтай установы адукацыі. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы адзначыў: "Цэлае стагоддзе гісторыі ВНУ - гэта яркі і займальны летапіс насычанага і цікавага студэнцкага жыцця больш як 40 тысяч спецыялістаў у галіне ветэрынарнай медыцыны і заатэхніі. У ліку вашых выпускнікоў знакамітыя вучоныя, кіраўнікі сельгаспрадпрыемстваў і рэгіёнаў".

Аляксандр Лукашэнка звярнуў увагу, што значны ўклад акадэміі ў развіццё ветэрынарнай навукі. "Інавацыйныя распрацоўкі вашых аўтарытэтных навуковых школ садзейнічаюць эфектыўнаму развіццю жывёлагадоўлі і забеспячэнню харчовай бяспекі краіны, - падкрэсліў Прэзідэнт. - Перакананы, што назапашаны векавы педагагічны вопыт, веды і вялікі творчы патэнцыял дазволяць калектыву і ў далейшым дабіцца высокіх вынікаў".

Кіраўнік дзяржавы пажадаў усім моцнага здароўя, невычэрпнай энергіі і новых дасягненняў на карысць роднай Беларусі.

БелТА