17.02.2026

Мінская вобласць і Татарстан абазначылі перспектывы сумесных праектаў у АПК

У Міністэрстве сельскай гаспадаркі і харчавання Татарстана прайшла рабочая сустрэча з дэлегацыяй Мінскай вобласці, паведамілі БЕЛТА у Мінскім аблвыканкаме

Старшыня аблвыканкама Аляксей Кушнарэнка адзначыў, што Татарстан уваходзіць у лік рэгіёнаў з інтэнсіўнай сельскай гаспадаркай і займае вядучыя пазіцыі ў Расіі. Мінская вобласць таксама – адзін з лідэраў у Беларусі. У гэтым рэгіёне вырабляецца больш за чвэрць усёй прадукцыі раслінаводства і жывёлагадоўлі краіны.

Па выніках 2025 года тавараабарот у аграрнай сферы паміж бакамі паказаў супастаўныя аб’ёмы: з Беларусі ў Татарстан было імпартавана прадукцыі на $48,8 млн., а экспарт з Татарстана склаў $50,2 млн.

Таксама бакі абмеркавалі перспектывы далейшага супрацоўніцтва, пашырэнне экспартных паставак і магчымыя сумесныя праекты ў раслінаводстве, жывёлагадоўлі і механізацыі сельскай гаспадаркі.-0-