06.06.2025

900 гадоў веры. Святочныя ўрачыстасці прайшлi ў Спаса-Ефрасіннеўскім манастыры ў Полацку

5 чэрвеня ў Полацку прайшлi ўрачыстасці, прымеркаваныя да 900-годдзя з дня заснавання Спаса-Ефрасіннеўскага жаночага манастыра. У Крыжаўзвіжанскім саборы Патрыярх Маскоўскі і ўсяе Русі Кірыл узначалiў Боскую літургію ў саслужэнні Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, архіпастыраў і духавенства. Ва ўрачыстасцях у Полацку прынялi ўдзел тысячы паломнікаў, свяшчэннікі, ігуменні манастыроў Беларусі і Расіі, прадстаўнікі дзяржаўнай улады, грамадскіх аб'яднанняў.