22.10.2025

Міжнародны музычны фестываль "Залаты шлягер" пройдзе ў Магілёве з 26 кастрычніка па 3 лістапада

Міжнародны музычны фестываль "Залаты шлягер" адбудзецца ў Магілёве з 26 кастрычніка па 3 лістапада. Яго праграма будзе шырокай і разнастайнай, а канцэрты арыентаваны на рознаўзроставую публіку з рознымі музычнымі перавагамі.

Фестываль "Залаты шлягер" – адна з галоўных ключавых падзей у культурным жыцці Магілёўскай вобласці. У 2025 годзе спаўняецца 30 гадоў з дня яго заснавання.

Мэты фестывалю – захаванне, развіццё і папулярызацыя лепшых традыцый і дасягненняў нацыянальнай і сусветнай культуры і мастацтва ў музычным, песенным, выканальніцкім напрамках, развіццё і ўмацаванне міжнародных культурных сувязяў, шырокага абмену духоўнымі і культурнымі каштоўнасцямі.

Задачы фестывалю – аб'яднанне культурнай прасторы краін СНД і далёкага замежжа; пашырэнне міжрэгіянальных інтэграцыйных сувязяў; рэалізацыя ідэі пераемнасці пакаленняў у галіне культуры і мастацтва.

Мерапрыемствы фестывалю пройдуць на шматлікіх пляцоўках рэгіёна. У Магілёве гэта Лядовы палац спорту, Палац культуры вобласці, драматычны тэатр і тэатр лялек, абласная бібліятэка імя У.I. Леніна, Плошча адзінства, кінатэатры і выставачныя залы, школы мастацтваў, гімназія-каледж мастацтваў імя Я. Глебава.

Праграма прыкладаецца.

Квіткі можна набыць у касах абласной філармоніі, Палаца культуры вобласці, а таксама ticketpro.