back_pattern
Рус

Адрес:   211117, г.Сенно, ул. К.Маркса, 2

Е-mail: info@senno.vitebsk-region.gov.by

Телефон:   (02135) 55347

Горячая линия:   (02135) 55296

ЗАГС и фонтан Влюблённые Памятник природы Капличка Природа Сенненщины Физкультурно-спортивный комплекс Парк Трёх Героев Дворец торжественных обрядов и фонтан "Влюблённые" Парк Трёх Героев Природа Сенненщины Канатный городок в парке 40-летия Победы г.Сенно Озеро Сенненское
ЗАГС и фонтан Влюблённые

Новости района

15 октября 2020

Чаму абрад «Розгары» гісторыка-культурнай каштоўнасцю стаў?

Дзяржаўны спіс гісторыка-культурных каштоўнасцей папоўніўся новымі элементамі нематэрыяльнай культурнай спадчыны Віцебскай вобласці

Па выніках пасяджэння Беларускай рэспубліканскай навукова-метадычнай рады па пытаннях гісторыка-культурнай спадчыны, якое адбылося ў Мінску 14 кастрычніка, статус гісторыка-культурнай каштоўнасці нададзены “Абраду “Розгары” ў аграгарадку Лукомль Чашніцкага раёна Віцебскай вобласці” і “Традыцыйным вобразам і тэхналогіі вырабу гліняных народных цацак Аршанскага Падняпроўя і Віцебскага Падзвіння”.

З гонарам прадставілі гэтыя элементы загадчык Сенненскага Дома рамёстваў Вольга Квашко, майстар па кераміцы Уладзімір Квашко, намеснік дырэктара Чашніцкага раённага метадычнага цэнтра культуры і народнай творчасці Таццяна Лузгіна і загадчык аддзелам традыцыйнай культуры абласнога метадычнага цэнтра народнай творчасці Надзея Уліновіч.

Абрад “Розгары” вядомы з XVIII стагоддзя і прадстаўляе паўночна-ўсходні тып беларускага Русальнага тыдня, характэрны для даволі абмежаванай тэрыторыі (Чашніцкі, усход Сенненскага, Лёзненскі, Дубровенскі раёны). Абрад праводзіцца на восьмы дзень пасля свята Тройцы ў панядзелак. Пасля заходу сонца маладыя дзяўчаты і жанчыны ў вясковым паўсядзённым адзенні збіраюцца на ўскрайку вёскі. Ідучы да бліжэйшага жытнёвага поля, яны збіраюць кветкі, зёлкі, галінкі дрэў. Прыйшоўшы на ўзмежак поля, адна з жанчын зажынае сноп з жытнёвых каласкоў. Астатнія жанчыны і дзяўчаты пачынаюць спяваць і завіваць вянок з сабраных кветак, абавязкова ўплятаючы жытнёвыя каласкі, нажатыя з поля. Вянок плялі такім памерам, каб праз яго мог прайсці чалавек. Калі вянок сплялі, завівальшчыцы з песняй ідуць ў вёску. Падышоўшы да першай хаты, удзельнікі абраду пачынаюць песняй клікаць з хаты гаспадароў, запрашаюць іх прайсці праз вянок 3 разы, каб магічным чынам забяспечыць здароўе, багацце, дабрабыт, а потым — з сабой на свята. Сустракаючы па дарозе моладзь, прапануюць паваражыць на каханне, лёс. Праходзяць усю вёску. Да гэтага часу на двары ўжо цямнее, але ж усе ўдзельнікі ідуць на могілкі, каб павесіць вянок на самае вялікае і высокае дрэва і адкупіцца ад гневу русалак. Як толькі вянок быў павешаны на дрэва, з могілак пачынала выскокваць “русалка”, тым самым праганяючы людзей. Пасля ўсе ўдзельнікі ідуць у вёску, каб прадоўжыць свята за агульнай вячэрай.

Абрад “Розгары” — сапраўдная каштоўнасць, бо ён звязаны з памяццю і павагай да сваіх продкаў.

Традыцыйная гліняная народная цацка Аршанскага Падняпроўя і Віцебскага Падзвіння звязана з міфалагічнымі ўяўленнямі крывічаў, захоўвае старажытную сімволіку, архаічныя пластычныя формы і спосабы вырабу. Цацкі і свістулькі захоўваюць і мастацкія прынцыпы, тэхнікі лепкі. Свістулькі робяцца трыма метадамі: “на палец”, “на палачку” і спосабам “пельмень”.

Носьбітамі элемента з’яўляюцца 8 майстроў Віцебскай вобласці: Алеся Аўчыннікава з Бешанковічаў, Вольга Аляксеева і Людміла Чэрвінская з Дубровенскага раёна, Ірына Варона з г.п. Бабінавічы Лёзненскага раёна, Кацярына Зяленская з Полацка, Уладзімір Квашко з Сянно, Алеся Сарбаш з Віцебскага раёна і Таццяна Шынкарова з Оршы.

Гліняная цацка Аршанскага Падняпроўя і Віцебскага Падзвіння, як і іншыя ў Беларусі, у параўнанні з цацкамі суседніх народаў (рускага, украінскага) вылучаецца сваёй архаікай, дамінаваннем пластычнага пачатку над дэкаратыўна-жывапісным. Гліняныя цацкі і свістулькі Віцебшчыны здзіўляюць і сваёй вобразнасцю – конікі, птушкі, кавалер і паня, гарманіст і вершнік, камедыянт і хлопец, качка, парася і баранчык, паўлін і іншыя.

На сёння ў Дзяржаўны спіс нематэрыяльных гісторыка-культурных каштоўнасцей Рэспублікі Беларусь уключана 17 элементаў Віцебшчыны.

«Витьбичи», Надзея УЛІНОВІЧ, загадчык аддзела традыцыйнай культуры Віцебскага АМЦНТ.


Деловое сотрудничество
Опрос
Что для Вас является препятствием для открытия бизнеса (создания дополнительных рабочих мест)?
Интернет-ресурсы
back_pattern